1234. o. T. Czarnowanz.

Herzog Heinrich I. von Schlesien, als Vormund der Söhne des Herzogs Kasimir von Oppeln, mit der Herzogin Wittwe Viola, bestätigt ausführlich alle Besitzungen und Rechte des von Rybnik nach Czarnowanz verlegten Nonnenklosters.

In Nomine Domini Dei Eterni Amen. Ne lapsu temporis gestorum memoria facile tradita oblivioni, res utiles et necessarias valeat corrumpendo infirmare, caute ac provide tam prudentum providencia quam etiam iuris circumspectione, gesta omnia ad perpetuam posterum memoriam scripture noticia perhenniter perpetuari est provisura. Eapropter Nos Henricus dei gracia dux Zlesie et Cracouie presenti documento notum facimus presentibus et futuris, Quod cum tutelam et gubernationem filiorum dilecti fratris nostri ducis Casimiri, Mesconis scilicet et Wlodislaui gerentes, essemus, redeuntes de Cracouia et de colloquio patrui nostri ducis Conradi, in monasterio Domo Dei scilicet sive in Cirniuus constituti. orta coram nobis questione, et super ea etiam dubitatione, de hoc videlicet que possessiones, et que etiam in eisdem possessionibus libertates dicto competerent monasterio, et qua libertate tam in ipsis possessionibus quam alias eiusdem degentes homines monasterii, fruendi ac utendi liberi ab onmibus angariis et parangariis, quibus alij homines terre bonerautur, haberent facultatem: Omnibus coram nobis et dilecta nuru nostra relicta ducis Casimiri, filioque ipsius nepote nostro Mescone convocatis de Opol baronibus, ex omnium veridica assertione ac et testificatione hoc scilicet invenimus, Quia cum bone memorie patrua nostra, mater videlicet pretati ducis Casimiri, claustrum in Ribnicy pia devotione sanctimonialium fundasset, ipsi claustro dictum Ribnicy, et in ipso capellam cum tabernis pia liberalitate contulit ac donavit. Addidit etiam eidem claustro seu monasterio donationis titulo et has possessiones: Scorogostou, Xeginice, Smolnam, Brese, Caruar autem et Vroblino et Zuzolam cum omnibus ipsorum pertinenciis. Post hec autem cum conventui claustri sive rnonasterii predicti, mansio in Ribniky eodem displiceret, quia incomoda et incompetens videbatur, de voluntate prefati fratris nostri ducis Casimiri, conventus nominatus cum eodem duce Casimiro Ribniky pro Cirniuus commutavit, ac se in eo sub religioso habitu iure manendi perpetuo collocavit. Cujus conventus inspecta devotione idem dux Casimirus commutatione prefata solempniter celebrata, pia liberalitate cupiens opera misericordie in omnibus efficaciter adaugere, addidit ei toloneum et capellam in Seuor, cum his pertinentibus villis, Dobren scilicet et Visoka et Varsen, Domina vero ducissa uxor ejusdem ducis Casimiri, eidem claustro medietatem tabernarum in Bitom pie devotionis affectu iure perpetuo condonavit. Nobiles insuper et barones prefati ducis Casimiri ac ducisse uxoris scilicet ipsius provocati devote liberalitatis exemplo, has villas donaverunt: Delnicam, Grudinam Stefanus, Lascouci, Osriseuo. Illud etiam ex testificatione predictorum nobilium et baronum invenimus, quod omnes ipsius claustri seu monasterii homines in prefatis eisdem possessionibus aut villis vel ubicumque manentes, hanc libertatem ex concessione nominati ducis Casimiri fratris nostri haberent, quod ad nullas prorsus angarias seu parangarias, nec duci nec alicui nobili aut castellano tenentur. Ita quod nullus ab eis iure potest aliquod petere servicium aut aliquam prestationem seu solutionem; quinimmo et si aliquando ad solutionein ex quocumque contractu, sive etiam ex maleficio eos continget obligatos rondempnari, hanc penam seu solutionem non alius, sed monasterium sive claustrum Cirnouus scilicet racione dominii quod in ipsis iure perpetuo vendicat, debet percipere. His igitur omnibus a prefatis nobilibus et baronibus auditis diligenter ac etiam fideliter intellectis, ad petitionem omnium fratrum et sororum in Cirnouus commorancium, propter hoc scilicet ne aliqua super prenominatis possessionibus, que eis pia liberalitate conferencium obvenerunt. in posterum possit ab aliquibus calumpniatoribus suboriri contencio, et ne etiam homines in eisdem possessionibus seu alias monasterii eiusdem nomino degentes, contra privilegium libertatis. ipsis a fratre nostro sepedicto duce Casimiro prestite, ab aliquo malitiose possint in posterum pregravari, hec omnia ad cautelam et ad memoriam eorum que intervenerunt, presenti inserentes documento. sigilli nostri inpressione quod ei manifeste adherere cognoscitur, corroboravimus. Actum in Cirnouus anno ab Incarnatione Domini M°CC°XXXIIII. Presentibus Discone, Jauorio, Zbroslauo, Warnero castellano de Cosli, Johanne castellano de Bitom, Mistigneuo castellano de , Andrea castellano de , Jaxsa castellano de Seuor, Ceslauo iudice, Johanne tribuno de Opol. Gostislauus etiam tunc interfuit comes de Naroci, et alii quam plures.

Angehängt sind die Siegel HENRICI DVCIS ZLESIE. und VIOLE DVCISSE IN OPOLE; letztere ist thronend zwischen ihren beiden Sohnen dargestellt, in rothbraunem Wachs.
Hugo, I, 482.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.